أجابت الفنانة ياسمين عبدالعزيز على سؤال الإعلامية منى الشاذلي: «قالوا إنك هترفعي قضية على الدكتور بسبب الخطأ الطبي؟»، لترد قائلة: «الناس في الشارع كانوا بيقوليلى مينفعش تسكتي، بيقوليلى لازم ترفعي قضية عليه، أنا لما كنت تعبانة كنت بقول هرفع قضية، بسبب إني تعبانة».
وأضافت: «الدكتور ده جه في الأول بس، وبعدين مشفتوش طول قعدتي شهر ونص في المستشفي، الدكتور دا أنا أعرفه ومولدني في بنتي ياسمين».
وتابعت: «أنا أخدتها من ناحية ثانية، ربنا سترها معايا، وليه بعد ما كنت بموت، ربنا عمل دا لسبب، وقررت إني مش هقاضي الدكتور».
يذكر أن أخر أعمال الفنانة ياسمين عبدالعزيز مسلسل «اللي مالوش كبير» الذي عرض ضمن الماراثون الرمضاني الماضي 2021، بطولة النجوم: أحمد العوضي، محمود حافظ، خالد الصاوي، دنيا عبدالعزيز، أحمد عبدالله محمود، أحمد سعيد عبدالغنى، وإيمان السيد وغيرهم، تأليف عمرو محمود ياسين، وإخراج مصطفى فكري.
