كشفت الفنانة نجلاء بدر عن آخر تطورات حالتها الصحية بعد إصابتها بمتحور أوميكرون الجديد .
وقالت «بدر» خلال اتصال هاتفي ببرنامج «حضرة المواطن» المذاع عبر قناة الحدث اليوم: «أنا الفيروسات بتتلم حواليا كدا كدا، أنا أول مرة جالي كوفيد _ 19، والمرة أوميكرون، وفي فرق مابينهم».
وأضافت: «في فرق شاسع في الأعراض، كوفيد 19 كان أشد وممكن يعمل جلطات في الرئة وضيق تنفس وسرعة نبض ويقلل الأكسجين، والمشكلة إن أوميكرون أعراضه زي دور البرد تماما وخفيفة جدا».
وتابعت: «أول حاجة في الأعراض شكشكة في الحنجرة والودن مش احتقان، دي أعراض كانت عندي بالليل متأخر، وثاني يوم كنت نايمة طول اليوم نوم مش طبيعي. هو بيسبب خمول وبيخليك مش قادر تتحرك وراسك تقيلة».
وأكملت: «ثاني يوم عملت رابيد تيست لإن كل الناس بتقول نتيجة تحليل بي سي آر بتطلع سلبية، والنتيجة لا تظهر في أول 3 أو 4 أيام، لكن تحليل رابيد تيست بيطلع في ساعتها، وطلعت نتيجتي إيجابية وبدأت العزل، وأنا كنت عازلة نفسي من يوم ما تعبت».
وأختتمت: «الحمد لله هو مش بيأثر على الرئة لكن مضاعفاته زي كورونا، وإنزيمات الدم طلعت في التحليل عندي بايظة وفي علاج جديد 8 حبات أو 16 حبة في اليوم نزل مصر وتصنيع مصري، لكن أنا رافضة آخده لإن في عليه كلام ولغط».
وكانت نجلاء بدر نجلاء بدر إصابتها بمتحور«أوميكرون»، أمس الأحد، موضحة أنها تعاني من عدة أعراض شبيهة بنزلة البرد.
وكتبت نجلاء على حسابها الخاص على موقع التواصل الاجتماعي «فيسبوك»: «أنا جالي كورونا أوميكرون علشان قابلت الناس اللي عندها دور البرد العادي اللي ماشي في البلد اليومين دول».
وأضافت: «للمعلومة أوميكرون مش بيبان في pcr بيبان في الـrapid test، يلا بالشفا لكل اللي العمل pcr وطلع negative».
وتابعت: «أول الأعراض المتفق عليها لغاية دلوقتي شكشكة في الزور أو الودن وخمول ونوم».
