كعادته، يحرص الفنان تامر حسنى، على دعم المواهب الشابة في جميع المجالات، وترسيخ دوره المجتمعى والإنسانى بجانب دوره الفنى الناجح، والتى كان آخرها دعمه للرحالة المصرية ريهام أبوبكر، عبر حسابه على «إنستجرام».
ونشر نجم الجيل فيديو عبر صفحته الرسمية بموقع «انستجرام»، للرحالة، اليوم الثلاثاء، معلقا: «لكل متابعين البطلة العظيمة ريهام أبوبكر شجعوها واطمنوا عليها كل شوية عايزين نبقى أصدقاء رحلتها العظيمة، دي هتلف مصر كلها على رجليها في تحدي خارق لموسوعة جينيس ريكورد هتمشي 1722 كيلو من شمال مصر لجنوبها في 22 يوم».
وأضاف حسنى: «بدأت الرحلة من معبد ابو سمبل يلا كلنا نشجعها وكل الشكر لوزارة الداخليه والشباب والرياضه وهيئة تنشيط السياحه على اهتمامهم الشديد بريهام ورعايتها طول رحلتها الشاقه معرفش ايه قوانين التحدي بس ياريت ريهام يكون معاها دكتور يشرف على رحلتها عشان سلامتها الصحيه، اللي عرفته انها من فترة للتانية بتقراء تشجيعاتكم وتعليقاتكم».
وتابع: «ريهام قررت تعمل التحدي العالمي الخارق دا عشان تشجيع السياحه المصريه وتلفت النظر السياحي لمصر من العالم كله إن شاء الله قريب نتفرج على تكريم وفوز ريهام البنت المصريه العربية الطموحة ونفرح بتشريفك لمصر على كل المحطات المصرية والعربية والعالمية ونكون في استقبالك».
أخبار متعلقة :