انتقدت الفنانة القديرة نجوى فؤاد، «عدم سؤال الفنانين عليها»، قائلة: اللى بيسأل علي فقط من أصدقائي الفنانين فقط الفنانة الكبيرة نبيلة عبيد.
وكانت الفنانة منة جلال نشرت مقطع فيديو من زيارتها للفنانة نجوى فؤاد بمنزلها، وذلك عبر حسابها الرسمي بموقع الصور والفيديو «إنستجرام».
وردا على سؤال منة جلال: «مين اللي بيسأل عليكي من الوسط الفني؟» قالت نجوى فؤاد في الفيديو: «منة جلال أولا، سعيدة جلال، ونبيلة عبيد لن أنسى لها مواقفها معايا أبدًا.. لما حتى بيكون عندنا حاجة بكلم النقيب ولما سمير تعب كلمته وقولتله إن سمير تعب ونقلوه المستشفى، ومفيش حد في الوسط بيسأل على حد خالص ليه؟ حرام مش عشاني أنا عشانا كلنا واحنا اللي بنحب بعض وبنجري ورا بعض وبنتمنى السعادة لبعض وحبوا بعض هتلاقوا الخير».
لتعلق الفنانة الشابة على الفيديو: «جبر الخواطر جبر الخواطر يا ناس.. قيمة وقامة كبيرة.. الأستاذة نجوى فواد.. كانت صريحة قوي ووجعتلي قلبي لما بتقول محدش بيسأل عليا».
