لاقتراحات اماكن الخروج
كشف الفنان دياب عن رأيه في قرار منع الغناء بـ «فلاشة»، خلال لقائه مع الإعلامي عمرو أديب في برنامجه «الحكاية»، الذي يذاع على شاشة MBC مصر.
وقال: «قرار عظيم عشان حرام الموسيقيين قاعدين في البيت مبيشتغلوش، أنا دلوقت كمطرب على الأقل يبقى معايا 8 موسيقيين عشان الناس تاكل عيش».
وأضاف: «الأول كان الموسيقي مثلا شغال مع سين من الناس، وعدد الأفراح كان كبير قبل وجود الدي جي، حتعمل فرح لابنك هتجيب 5 فقرات، كل الناس بتشتغل».
وتابع: «دلوقت الشغل قل جدا، فكمان الناس هتطلع تغني بفلاشة حرام، خلي الموسيقيين تشتغل، وخلي اللي بيعرف يغني يغني، واللي مبيعرفش يغني يشوفله شغلانة شريفة».
وأكمل: «الفلاشة ممكن تخلي المج يغني، والناس بتسمع بوسطها مش فارقة ليها اللى بيتقال».
