ننشر اعترافات مالك ومدير مدرسة لغات بالنزهة المتهم بهتك عرض أربعة أطفال أمام نيابة شرق القاهرة برئاسة المستشار إبراهيم صالح، المحامى العام الأول.
وجاء نص التحقيقات كالتالى:
س/ ما قولك فيما هو منسوب إليك من أنك متهم بهتك عرض المجنى عليهم وهم كل من الأطفال ريان. أ ولوجينا. م وعاليا. إ، وكان ذلك بطريق القوة والتهديد حال كونك من المسئولين عن تربيتهم وملاحظتهم ولم يبلغ سن أي منهم الثمان سنوات ؟
ج/ محصلش
س/ ما تفصيلات ما حدث ؟ وما هى ظروف عرضك علينا ؟
ج/ اللى حصل أنى أنا كنت فى مكتبي وفوجئت أن الأطفال بتبكي وأن فى أولياء أمور حضرت تشتكي وبيقولوا ان فى موجه ضرب أولادهم ونزلت للناس علشان أشوف الموضوع لقيت الناس كلها بتضربنى ضرب مبرح وبيقولوا إني أنا الشخص المتهم بالاعتداء على أطفالهم حاولت أفهمهم أن محصلش الكلام ده وجت النجدة وخدونى على القسم وعملولي محضر وجابونى على النيابة النهاردة .
س/ متى وأين حدث ذلك ؟
ج/الكلام ده حصل يوم 31/10/2017 الساعه 7 صباحا تقريبا بمدرسة اللغات المصرية الجديدة
س/ ما هى طبيعة عملك بالمدرسة تحديدا؟
ج/ أنا صاحب المدرسة وبشتغل وظيفة مدير إدارى للمدرسة .
س/ هل يشارك ثمة شخص في إدارة المدرسة ؟
ج/ أيوا أخويا اسمه طارق صاحب المدرسة معايا وبيشتغل مدير في المدرسة معايا.
س/ وما هى بيانات شقيقك تحدديا ؟
ج/ اسمه طارق صلاح بشري المراغي
س/ وأين يوجد شقيقك الآن ؟
ج/ خارج المكتب
س/ ما هو قولك فيما جاء بمحضر الضبط المحرر بمعرفة النقيب مصطفي حمدانى المؤرخ فى 31/10/2017 والذى تلى عليك ؟
ج/ الكلام ده محصلش
س/ بما تعلل إدعاءات سالفي الذكر عليك ؟
ج/ أنا مذهول ومش عارف
س/ هل توجد ثمة معرفة بينك وبين أولياء الأمور ؟
ج/ بصفة شخصية أنا معرفش الناس دى ومفيش اى خلافات بس هما ممكن يكونوا متضررين من حاجة في المدرسة وعلشان كدا اتهمونى كمدير للمدرسة
س/ هل يوجد خلافات بينك وبين أولياء الأمور ؟
ج/ لا
كانت النيابة العامة قد تلقت بلاغًا من أولياء أمور الأطفال المجنى عليهم، والمقيدين بتلك المدرسة، حيث اتهموا فى بلاغاتهم مالك ومدير المدرسة بهتك عرض أطفالهم.
المصدر : صدى البلد
